شافوني
شافوني كحل مغلف
قالوا مافيه دخيرة
وانا كيف الكتاب لمغلف
فيه منافع كتيرة
كسبت في الدهر معزة
وجبت كلامي رباعي
مادا من عطاه ربي
ويقول عطاني دراعي
لاتخمم لاتدبر
لاترفد الهم ديمة
الفلك ماهو مسمر
ولا الدنيا مقيمة
ياصاحب كن صبار
اصبر على ما جرى لك
رقد على الشوك عريان
حتى يطلع نهارك
نرقد على الشوك
او نضحك للي جفاني
نصبر لتعوس الايام
حتى ياتي زماني
لو ما كان الخبز
ما يكون دين ولاعبادة
نوصيك ياكسر الخبز
اعمل الكسرة صغيرة
راه لي جاء مرهام
يرفد الكسرة الكبيرة
لمصبط مادرى بالحافي
والزاهي يضحك على الهموم
اللي على القطيفة دافي
والعاري كيف اجيه النوم
القرد مشى للغرب
والديب جابوا راسوا
لو كان الخير في البصل
ما ينغرس على راسه
الطير الطير
ماظنيتوا يطير
من بعد ماوالف
خلى قفصي
وعمر قفص الغير
رماني في بحور خلاني
الدنيا متلتها دلاعة
تقرقب مابين الدلاع
مادا لحقوهامن طماعة
ورمتهم في بئر ماله قاع
تخلطت ولابغات تصفى
ولعب خزها فوق ماها
رياس على غير مرتبة
ياالزمان الغدار
ياكسرني من دراعي
طيحت من كان سلطان
وركبت من كان راعي.
المنتدى الأدبي
منتدى مادة اللغة العربية و آدابها
الخميس مايو 31, 2012 12:09 pm
